Soňky günler kän degilen
Öýlenjek ýigit.
Galyňy ýatlap düwüner,
Öýlenjek ýigit.

Düýşlerniň görkem ýarydyr,
Kä gam çekmeýän ýalydyr,
Başagaý dünýäň ýazydyr,
Öýlenjek ýigit.

Özge gyza seretmez kän,
Özge kalpda ýer etmez kän,
Diýer: ,,Toý gün gelmezmikän"
Öýlenjek ýigit.

Ýüzi ýagty güneş ylla,
Päk söýgüsin etmez yrýa.
Süýji hem kyn güne barýa,
Öýlenjek ýigit.

Goý, bolsun ýollar pes-belent,
Yşk ýürekde ýer etse bes.
Giç ýatar ýazyp SMS,
Öýlenjek ýigit.

Öň bolsa maşgalaň ýaşy,
Indi bor maşgalabaşy.
Şygryň ýazlyp başlan başy -
Öýlenjek ýigit.

Rüstem SAKÇY

File engine/modules/thanks.php not found.