Eý meniň ýüregme täsin heň beren,
Eý sen adam sypat näzli perişde.
Şepagata mätäç başym hyň beren,
Bu gün bu halyma tapman serişde.

Geldim huzuryňa, mätäçlik çekip,
Mähir ummanyňdan ýekeje damja,
Söýgi meýdanyna bir nahal ekip,
Suwaryp bilmämsoň galýaryn ünjä.

Ne çüýn rehm etmeýäň eý hökmirowan,
Bu sargaran ýuka janly bendäge.
Eý sen wagtdan uly, bagtdan juwan,
Geldim seniň ykbalyňa siňmäge.

Ynsan diýip göwün bermeýärsiňmi,
Eý sen yşgy gijeňleýän perişde.
Ýada meni rowa görmeýärsiňmi,
Goýnuňdaky behişde.

ÝUSUP MEREDOW

File engine/modules/thanks.php not found.