Oturdym, ýer-göge nazar aýladym,
Dünýe köne, sowal-jogabam köne.
Aýralygyň nämedigin aýdaýyn,
Söýgiň nämedigin soramaň ýöne!

Aýdaýyn men nämedigin gussanyň,
Şatlyk näme, ony soramaň menden!
Alajyn tapmadym göge uçmanyň,
Ýerde-de derdime tapmadym melhem.

Men durmuşda agyr ýoly saýladym,
Aýdym ýazdym, ýürek-bagrym dilinse.
Betbagtlygyň nämedigin aýdaýyn,
Bagty bagtlylardan soraň gidiň-de!