Maýkl Jekson diýileninde onuň üýtgeşik tanslary göz öňümize gelýär. Iň ýatdan çykmajak tanslarynyň biri hem 45 gradus egilip, ýer çekimine garşy ýykylman gaty meýilli ýagdaýda durmagy. Ol muny nädip başardy?
Maýkl Jeksonyň 1987-nji ýylda çykan “Smooth Criminal” aýdymynyň tans bölüminde ýerine ýetiren "Agyrlyk güýjüne garşy hereket" diýlip atlandyrylýan tans hereketini nädip ýerine ýetirendiginiň syry mälim boldy. Hindistanyň Chandigarh şäherindäki lukmançylyk bilimi we gözleg institutyndan Manjul Tripathi we kärdeş Neýrohirurglar beren interwýularynda ýagdaýyň juda geňdigini bellediler. Olar:
"Hatda tälim alan tansçylaram bu şekili ýerine ýetirenlerinde iň köp 25-30 dereje egilip bilýärler. Maýkl Jekson bolsa ozal görülmedik, agyrlyk güýjüni peseldýän 45 graduslyk hereketi ýüze çykardy. Bu tansyň ýerine ýetirilmeginiň esasy syry Maýkl Jeksonyň ýörite ýasalan aýakgaplarydyr. Aýakgabynyň düýbündäki V şekilli deşik, ýere berkidilen güýçli dyrnaga dakylanda agyrlyk güýjüne garşy çykýar we standartdan has ýokary burçda egilmäge mümkinçilik berýär. Şeýle-de bolsa, ýörite ýasalan aýakgaplaryň goldawy bilen hereket etmek gaty kyn. Munuň üçin güýçli oňurga we güýçli muskullar gerek. Maýkl Jekson janköýerleriniň köpüsi, şol sanda ýazyjylar, bu tansy synap gördüler we başarmadylar, hatda özlerine-de şikes ýetdiler.Güýçli myşsalar we topuk töwereginde gowy goldaw gerek. Bu ýönekeý bir hile däl." diýýärler.

Ýöne Maýkl Jekson bu tansy uzak ýyllaryň dowamynda ussatlyk bilen ýerine ýetirip geldi. Belki şeýle üýtgeşik, gaýtalanmajak talant bolany üçin hem ol häzirki wagta çenli öz meşhurlygyny saklap gelýär. Dogry, Maýkl aramyzda ýok, ýöne onuň döreden ajaýyp tanslary ony bize ýatladyp dur.

(Google maglumatlary esasynda...)