Söýgülim seni soraglap,
Seň saýaňda saýalaýyn.
Saba säher seni synlap,
Seň saýaňda saýalaýyn.

Sözlem seňki, sazlam seňki,
Sagym seňki, solum seňki,
Syýa saçlam, salym seňki,
Seň saýaňda saýalaýyn.

Serden sypyp sämemäýin,
Synaglarňy sanamaýyn,
Serwim! Sensiň- saýawanym,
Seň saýaňda saýalaýyn.

Sag-salamatlyk soradym,
Sensiz sumatdyr syratym,
Sazlaşdyryp saz sungatym,
Seň saýaňda saýalaýyn,

Sabyr senden sowulmasyn,
Syrly sapak süzülmesin,
Sensiz söýgi syzylmasyn...
Seň saýaňda saýalaýyn.

Awtory: Nartac Yusupdurdyyewa