Ýüregimiň bagydyr janymyň erki
Ýaradanym doganlarmy gorawer
Şolara baglydyr jigermiň görki
Biri-barym doganlarmy gorawer

Gözlerimiň nurudyr jigerim janym
Damarda aýlanan gymmatly ganym
Mydama jem bolup bozulmasyn sanym
Ýaradanym doganlarmy gorawer

Ajy aýralyklar ara düşmesin
Janlary sag bolsun hasta ýatmasyn
Durmuşynda ykbal için ýakmasyn
Biri-barym doganlarmy gorawer

Uly-kiçi baryn gözünden sowma
Gorawer Allajan gaýgyda goýma
Agyr synaglarňy maňlaýa ýazma
Ýaradanym doganlarmy gorawer

Ýaşlary uzyndan ýazylan bolsun
Toý toýlap agtyk çowlugny görsün
Doganlam armansyz döwranlar sürsün
Ýaradanym doganlarmy gorawer.

Amin

File engine/modules/thanks.php not found.