Mähir beren ol nurana bakyşlar,
Hatda ýyladardy aýazly gyşlar,
Indi bu ülkede galmady guşlar,
Adama mähirli göz nirde galdy?

Hoşamaý hoş sözler kalbyň nurudyr,
Ynsana medetkär bagta ýarydyr,
Bu gün bolsa köpler sözüň zarydyr,
Adama mähirli söz nirde galdy?

Bir–birekden habar alyp her demde,
Hal ahwal soramak dermandyr derde,
Indi ýüz bermezlik bardyr köp ýerde,
Adama mähirli ýüz nirde galdy?

Öňler sadalykdan doly hoş sözler,
Mähir muhabbetden gülerdi ýüzler,
Hakykaty sözlär aldamaz gözler,
Köne döwürdäki däp nirde galdy?

awtory: Nurgeldi Ilgeldiýew

File engine/modules/thanks.php not found.