Unutjak bolsam-da näçe ýatlaman,
Seni ýatlamazlyk örän kyn düşýär.
Sowjak bolsamam men senden ünsümi,
Bolanok, sen ýene ýadyma düşýäň.

Sowaşjak bolýaryn senden daşlaşyp,
Emma erksiz halda men saňa süýşýän.
Gaçyp gitjek bolýan ýatlamalardan,
Emma sen ýene-de ýadyma düşýäň.

Seni ýatlanymda kalbym elenýär,
Islemesem-de hiç şol söýgä duşýan.
Şeýdip sen dünýämi ele geçirýäň,
Şeýdip sen ýene-de ýadyma düşýäň.

Garşy çykjak bolup beýik söýgüme
Onuň bilen her gün, durman göreşýän.
"Boldy, indi besdir, ýatlaman seni"
Diýsemem, şonda-da ýadyma düşýäň.

Merdan ORAZMYRADOW

File engine/modules/thanks.php not found.