Jisimler biri-birine sürtülende elektriklenme bolýar , halklar döwletler düşünişmese uruş , elektriklenme azyndan iki jisimiň arasynda, uruş azyndan iki döwletiň arasynda bolup geçýär we jisime sürtülmede zeper çekişi ýaly bu döwletde ýaşaýan halk zeper çekýär. Elektriklenmeden soňra jisimler ähli ownuk bölejikleri özüne çekýän bolsa, uruşdan soň döwlet ähli erbetlikleri özüne çekýär. Emma bitaraplyk edil elektrostatiki gorag ýaly erbetliklerden özüni ykrar eden döwleti goraglaýar.
Elektrik meýdany elektrik zarýadlaryň arasyndaky özara täsiri amala aşyrýan bolsa, bitaraplygy bolan ýurt özara dostlaşykly ylalaşygy amala aşyrýar. Iňlis fizikleri Maýkl Faradeý bilen Jeýms Makswelli olary çyzyjaklar bilen şekillendiren bolsa, biziň diýarymyzda şäherimiziň görküne görk goşup duran binasynyň beýikligi 83 metr, heýkeliniň beýikligi 12 metr bolup jemi beýikligi 95 metra barabar bolan we mermerden “polimeks’’firmasy tarapyndan dikeldilendir.
Zarýadyň düýp özeni elektron bolsa, asudalygyň düýp özeni bitaraplykdyr. Atomyň ýadrosy düzümi protonlardan we neýtronlardan düzülen bolsa, bitaraplygyň miweleriniň düzümi asudalyk, parahatçylyk, dostlukdan düzülendir. Zarýadly bölejikleriň tertipleşen hereketi elektrik togy bolsa, ähli gowluklaryň birleşmesi bitaraplykdyr.
Geçirijilerde elektrik togyny uzak wagtlap almak üçin onuň içinde elektrik meýdanyny döretmek we saklamak ýeterlik, asmanyň asudalygy we guşlaryň owadan uçuşlaryny synlamak üçin bitaraplyga eýe bolmagy we şol syýasaty dogry alyp barmaklyk ýeterlikdir.
Elektrik togunyň ýylylyk, himiki, fiziologik we magnit täsirleri bolsa, bitaraplygyň ynsana täsirleri dostlaşykly gatnaşyk duýgysy, parahatçylyga bolan söýgüni, uruşdan daşda bolmagyň höziridir.
Elektrik togunyň ugry elektronlaryň hereket ugry bolsa, bitaraplygyň ugry beýik sepgitlere gönükdirilendir. Akkumulýatorlar , galwaniki elementler , elektrofor maşyny we elektrik togunyň generatory elektrik togunyň çeşmesi bolsa, bitaraplyk rowaçlygyň, parahatçylygyň, halklaryň we ýurtlaryň arasyndaky dost-doganlyk gatnaşyklarynyň çeşmesidir.
Elektrik naprýaženiýasynyň formulasy zarýady süýşürmek üçin elektrik meýdanynyň zarýady süýşürmek üçin eden işiniň zarýadyň mukdaryna bolan gatnaşygyna deň bolsa, bitaraplygyň formulasy agzybirligiň, parahatçylygyň we ynsanperwerligiň gatnaşygyna deň meniň pikirimçe.
Geçirijiniň uzynlygy artdygyça elektrik garşylygyň elektrik toguna garşylyga artyp sarp edijä bökdençsiz barmagyna päsgel berişi ýaly, uzaga çeken dawalar ýurduň ösmegine päsgel berýär. Geçiriji simleriň meýdany artan ýagdaýynda elektrik togy sarp edijilere bökdençsiz baryşy ýaly, geçirimlilik artanda ýurduň ösüşlereni päsgel berýän bökdençler azalýar. Bu hukuga bolsa diňe bitarap bolan ýurt eýedir.
Garaňky gijeleri ýagtyltmak üçin bize çyra gerek, metaldan ýagtylyk almak üçin bolsa ýokary temperatura we ýokary temperatura çydamly metal gerek, edil şolar ýaly ýurduň geljegini hasda ýagtylmak üçin bolsa bitaraplyk, garaşsyzlyk, has kämil düzülen syýasat we syýasaty gowy alyp barýan ýurtbaşy we agzybir halk gerek.bizde bolsa bularyň hemmesi bar. Diýmek, bize diňe şeýle ajaýyp ýurdumyza buýsanyp we ösüşlere öz goşandymyzy goşmak galýar.
Ýarymgeçiriji diodyň üýtgeýän togy hemişelik toga öwrüşi ýaly, Bitaraplyk howsalaly, dawa jenjelli durmuşy umumy adamzat bähbitli işlere, rowaçlyklara parahatçylyga, dost-doganlyk gatnaşyklara gönükdirýär.
Garaşsyz, baky Bitarap diýarymyzyň Bitaraplygynyň 28 ýyllyk toýy gutly bolsun Gahryman Arkadagymyz, Arkadagly Gahryman Serdarymyz, eziz watandaşlar.

File engine/modules/thanks.php not found.