...Jübüt gumry toýa taýynlananda,
Gyz ýüzüne makýaž baryn etdirdi.
Ýasama dyrnakdyr,ýasama kirpik,
Hemmesini bir-birden ýelmetdirdi.

Şol pursat kirpige çalynýan ýelim,
Gyzyñ çep gözüne syrygyp damdy.
Bezenip,durmuşa çykmaly Zenan,
Indi gözden juda düşen adamdy.

Bir gözi görmeýän gözel zenana,
Geýdirdiler akja gelin köýnegi.
Gyzy "çyndan söýdüm" diýýän ýigide,
Agyr düşdi synasynyñ köýmegi.

Oglanyñ ýakynlary göwnemedi,
Bir ömür ýaşaljak,bir kör gelini.
Hiç zat gürlemedik çäresiz ýigit,
Bir gezek uludan aldy demini...

Toý güni gelipdi,
Ýöne adamlar,
Jübütlere garaşmakdan iripdi.
Şol gapydan oglan giripdi welin,
Oñ goluna başga bir gyz giripdi.


Durdugylyç ÝARJANOW