Gutarmaz, bu panyň hile-allaram,
Allam, dergähiňde açdym gollarym,
Soňy görünmese kötel ýollaryň,
Şonda tutunmaga maňa umyt ber!

Söýýän adamyňa dert berseň sylap,
Bolmadyňmy entek sen meni synap,
Jebri-jepa çekdim özümi gynap,
Dertden gutulmaga maňa umyt ber!

Tahyr ýaly akmasamda derýada,
Elde barym aldyň goýduň bir bada,
Ýetmek üçin ähli maksat myrada,
Ok-deý atylmaga maňa umyt ber!

Ömür gözel ýazylanda kyssada,
Şat günlerin gülüp ýatlar hassada,
Hasratlara, boglup galdym gussada,
Göwnüm götermäge maňa umyt ber!

Özgäň ýary bolmuş söýen dilberim,
Şondan soňam boşap galmyş gülberim,
Söýgä dolan şo:l bagtyýar günlerim,
Dolap getirmäge maňa umyt ber!

Medet isläp, herýan bakdy gözlerim,
Bilmen haçan tamam bolar gözlegim,
Bir ömürde kalpda beslän sözlerim,
Ýazyp gutarmaga maňa umyt ber!

Süleýman Tekäýew

File engine/modules/thanks.php not found.