Men dünyede öz-özümden gaçýaryn!
Pikirlerim diwar öryär daşyma.
Ýüregimi bir Allaha açýaryn,
Ýalñyzlykda ýüzüm ýuwup ýaşyma.

Azaşýaryn ham hyýallañ içinde
Heniz bişişmedik arzuwma garap.
Gögermedik umytlar kän içimde
Gidipdir daşyny kerepler sarap.

Şadyýan görünen ýüzüme bakyp
Çyn ahwallar hakda gürrüñ otarýan.
Gezjekdim otuzda döşüme kakyp
A men dört diwarda sessiz oturýan.

Men özümden tama edip köp zady
Bu ömrümi ynamlarma bagladym.
Islänim paşmansoñ gursagymdaky
Çola ýerde ýüzüm tutup agladym.

Günüme goýmayan pikirlerimden
Ebeteýin tapyp ara açýaryn.
Bilemok nirede, neneñ durjagym?!
Men dünyede öz-özümden gaçýaryn!
Awtor:Nurekowa Gülnäz

File engine/modules/thanks.php not found.