Sowuk köçäñ gyrasyndan
Bir gyzjagaz, ýöräp baryar.
Gözi ýaşly, boýny buruk
Baksañ kalbyñ eräp barýar.

Hortap ejiz gerdenine
Alyp ýetimlik yüküni.
Ýöremäni öwrenmänkä
Ylgap öwrenen ekeni.

Bir gyzjagaz ýöräp baryar
Gözi yaşly, boýny buruk
Gülip geçýär oña her kim
Kä säginip käte durup.

Aýazda üşän elleri
Ysanogam titräp-titräp.
Ony dünýä öwrenýärkä
Ol ýazdy dünýäden kitap.

Indi bolsa şol köçeden
Gyzjagaz däl, bir gyz baryar.
Ýykylyp täzeden galyp,
Aglan ýerlerin yzlaýar.

Bu gün onuñ gözlerinde
Gözýaşdan galmandyr nyşan.
Aýazly gelse-de gyşy
Elleri titränok üşäp.

Ine indem şol ellerde
Ýazyp otyr goşgy bendin.
Çünki aglan,boýny buruk
Şol gyzjagaz Mendim.Mendim!
Awtor:Nurekowa Gülnäz