Zebralaryň duşmanlary bilen uruşýan halatlary-da bolaýýar. Olar duşmanlary bilen ýüzbe-ýüz galanlarynda olary depip gaçýarlar. Şeýlelikde, öz janlaryny goraýarlar.
* * *
Gulanlara diňe Türkmenistanda gabat gelmek bolýar. Olar Bathyz döwlet goraghanasynda goralýar.
* * *
Suwda ýaşaýan pyşdyllar palçygy gazyp içine girýärler hem-de ol ýerde tutuş gyşyny uklap geçirýärler.
* * *
Aýylaryň gazan hininiň agzy elmydama demirgazyk tarapa bakýar.
* * *
Krokodiller reňk saýgarmaýarlar.
* * *
Amerikanyň Birleşen Ştatlarynyň Litl-Rok şäherinde her ýyl pişikleriň ýaryşy geçirilýär. Bu ýaryşda 150 metr aralyga ylgamaly. Ýaryşyň ýeňjilerine bolsa iki müň dollar baýrak berilýär.
* * *
Durnalar hiç haçan agaja gonmaýarlar.
* * *
Agajyň iň näzijek ýapragyny iýmek isleýän žiraf dilini 42 santimetre uzadyp bilýär.
* * *
Delfin it, maýmyn, at we beýleki jandarlara garanyňda, örän aňsat eldekileşýär.
* * *
Daşdeşen çüňki bilen agajyň biline kakyp, mör-möjekleriň nirededigini kesgitleýär. Ol tä zyýanly mör-möjekleriň barysyny tutýança ynjalmaýar.
* * *
Ýylançy gyrgy diýilýän owadan guş höwürtgesini 20-25 ýyl we ondan-da köp ýaşan ojaryň üstünde ýasanýar. Ol şol höwürtgesinden birnäçe ýylyň dowamynda peýdalanýar.

File engine/modules/thanks.php not found.