Kyrkbogun gaýnadylan suwdan 3 wagtyna 1 stakandan içmeli. Bejerişi 40 gün dowam etmeli. Bu em bedeni arassalaýar. Organizmdäki sowuklamany aýyrýar.
* * *
2 nahar çemçe tüwini üç gezek ýagsyz, duzsuz gaýnadyp (her gaýnadaňda suwuny täzelemeli. ) ajöze iýmeli. Soňundan 4 sagatlap hiç zat iýip-içmeli däl. Bu em dürli içki keselleri bejerýär, bedendäki sowuklamany, organizmdäki duzlary, zäheri, artykmaç ýaglary aýyrýar. Derini terlendirýär.
* * *
Bugdaý ýa-da arpa kepegi gaýnan suwa ýüzüni yzgiderli ýuwýan adamyň ýüzündäki ýygyrtlary aýrylýar. Emi iki-üç aý ertir-agşam gaýtalamaly.
* * *
Her gün irden säher bilen arassa howada, mümkinçilik bolsa otluk meýdanda, gülleriň ýanynda ýüzüňe, boýnuňa ösümlik ýagyny çalyp, ýüzüňi ýeňiljek sypamaly. Şol wagt öz halaýan sazyňy diňlemek peýdaly.
* * *
Agşamlaryna mylaýym, irden sowuk suwa düşmek peýdaly.
* * *
Hemişe dürli otlar gaýnan suwa ýüzüňi, boýnuňy ýuwmaly, suwa düşmeli.
* * *
On gün irden ajöze petruşka gaýnadylan suwdan 1 stakan içmeli. Bu emi her üç aýdan gaýtalamaly. Petruşka ganda gemoglobinleri azlara peýdaly. Ol ýüzüň tebigy reňkde öwüşgin atmagyna kömek edýär.
* * *
Nahardan bir sagat öň bir stakan miwe suwuny ýa-da miwe gaýnadylan suw içmek peýdaly. Bu melhem ýüzüň wagtyndan öň ýygyrt atmagynyň öňüni alýar.