Üstünde ýaşaýan dünýämiziň şekiliniň tekiz dälde şar şekilindedigi asyrlar boýy bilinýän bir hakykat bolmagna garamazdan häzirki döwürde özlerini "tekiz ýerçiler" diýip atlandyrýan käbir adamlar Ýer şarynyň togalak dälde tekizdigini aýdýarlar.
Internetden az kem idän ýagdaýñyzda dünýäniñ tekizdigini tassyklaýan birnäçe mowzukdyr wideolary görüp bilersiñiz. Pikir edip görsek antibilim bolup bilmegi hem mümkin bolup biljek bu teoriýa ynanyjylaryñ sany gün günden artyp barýandygy gorky döredýär. Bize belli maglumatlaryñ NASAnyñ ýalany boldugy düşünjesinde bolan bu adamlaryñ käbiri öz çaklamalaryny dini maglumatlara daýanyp ynandyrjak bolýandyklaryny hem görmek mümkin.
"Gözýetim çyzygyna seredenmizde tep tekiz görûnýär. Ýeriñ daš töweregi 2000 metr belentlikli buz daglary bilen bürelýär. Ýer aýlanmaýar. Gün has kiçi we bize has ýakyn. Gün biziñ depämizde we Ýeriñ ortaarasyny ýyladýar, şol sebäpli hem daş töweregimiz buzluk. Ýer togalak bolsa baş aşak öwrülenmizde kosmosa düşmeli bolardyk. Hawaidäki Kauai we Oauhu adalary arasyndaky uzaklyk 149km bolmagyna garamazdan Kauai aeroportyndan Oahu adasy anyk görünýär şonuñ üçin Ýer tekiz. Ýer togalak bolsady samalýotlar atmosferadan çykmajak bolup aşaklygyna hereket etmeli emma olar göni uçýarlar we ş.m"

TekizÝer teoriýasyny goldaýan adamlaryñ öñe süren jedelleri Ýeriñ dürli künjeginde ýaşaýan adamlaryñ añynda bulaşyklyk döretdi. Şeýlede käbir adamlar öziniñ bilime bolan ynamyny ýitip garyşyk pikirlere bürenen ýagdaýa galdy. Şu ýerde bir zada üns bereliñ. Şeýle ynançlary döredýän adamlaryñ esasy maksatlarynyñ biri adamlaryñ hiç bir ylma ynanman ähli zada şübheli göz bilen garamasyny we öwrenýän bilimleriniñ geçmişden gelýän bir ýalandygyna ynandyrmagy amala aşyrmak hem bolup biler. Adamzat taryhynda şeýle wakalaryñ birnaçesi bolsada soñky döwürde tehnikanyñ ösmegi bilen bilkastlaýyn döredilýän ýalan maglumatlaryñ sany barha artýar.

Ýeriñ tekiz däldigi şar şeklinde we özüne mahsus görnüşiniñ bardygy şugünlere çenli ylymyñ hödürlän köp sanly subutnamalary bilen subut edilip NASA, ESA ýaly guramalaryñ kosmosda düšüren birnäçe suratlary bilen üsti ýetirilendir. Muña garamazdan tekizýerçileriñ bütindünýä ylymyna gabat gelmeýän maglumatlary bilen Ýeriñ tekizdigini subut edip başarmasalarda soñuna çenli göreşýändikleri bize mälim bolsa gerek.
Eger Ýer aýdylşy ýaly tekiz bolsady Gün doganda ähli materikleriñ bir wagtda ýagtylmasy gerekdi. Ýöne Amerikada gije wagty Ýewropada gündiz bolýar. Porta ýakynlaşýan gämiñ ilkibaşda ýelkenleri soñ bolsa aşagy görüñyär. Ýer tekiz bolsa gämini tutuş görmezmidik. Bu mysallar hemme kişiñ bilýän ýönekeý mysallarydyr. Ýer tekiz bolsady Aýy yeriñ islendik künjeginde şol bir nokatda görüp bilerdik. Emma Awstalyada Aý Yewropadaka garanda depede ýerleşýar. Ýer tekiz bolsady diñe Ýeriñ günorta böleginde görünýän Put ýyldyz toplumyny demirgazyk tarap görmeli bolardy. Diñe ol däl beýleki ýyldyz toparlary hem Ýeriñ ähli künjeginden görünmelidi. Onsoñam Ýewropada has anyk görünýän Ýedigen ýyldyzlary Awstralyada görûnmeýär. Tekiz Ýerde ýaşasak islendik asman jisimini islendik ýerde görüp bilerdik şeýle dälmi. Şujagaz ýönekeý mysallar hem tekizÝer teoriyasyny çökermãge ýetip dur.

Dowamy bar...