ÝALŇYŞLARYM DÜZEDER


Kä ýüregim ýanar yşkda ot bolup,
Käte göwnüm ýalan söýüp, hez eder.
Şonda, meni halas etjek zat bolup,
Ýalňyşlarmy ýalňyşlarym düzeder.

Ýazgydymda ýeňillikler bolsada,
Kä kynlyklar göterimni ýüz eder.
Ýeke başa müň bir derdi salsada,
Ýalňyşlarmy ýalňyşlarym düzeder.

Içki dünýäm kä gül açar, bag bolup,
Käte aladalam baryn düz eder.
Şonda arka kakyp, arkadag bolup,
Ýalňyşlarmy ýalňyşlarym düzeder.

Uly ýalňyşlykdan çyksak başalyp,
Şeýle ýalňyşlyklar bizi biz eder.
Ýalňyşlykdan ders almagy başaryp,
Bilsek bizi ýalňyşlarmyz düzeder.

2020
Şatlyk ESENOW