Görk-görmege aşyk kändir
jahanda,
Ýöne meniň kimin söýýän
tapylmaz.
ugrunda men ölsem diýer haçanda,
Ölmeli bolanda ölýän
tapylmaz!

Aklym alyp, telbe edipdiň tas meni,
Gara saçlaň halka edip as
meni,
Saherler oýanyp bagra bas
meni,
Günortan göreniň öýlän
tapylmaz!

Meger men deý yşga düşen bende ýok,
Ýalan ýaşryk näzirgemek
sende ýok,
Şelaýyn söz boş wadalar
mende yok,
Mendeý dogrujasyn sözlän
tapylmaz!

Yşk bir şöhle- her kim gözün
gapdyrar,
Yşk bir derýa müň Tahyry
akdyrar,
Oduňda tutaşyp, ýanan
ýapdyrar,
Men deý kebap bolup,
köýýän tapylmaz.

Kim ýeter myrada jigerin
ýakman,
Aşyga, elbetde, örtenmek
hökman,
Waspyňa söz gözläp, gijeler ýatman,
Gara gözňe ganlar öýýän
tapylmaz!

Dünýä bir ýalançy, boş söze ökde,
Gaç onuň ýanyndan göterip ökje,
Aýdýan kändir ýok sözleri
ýürekde,
Ýöne çyny bilen öwýän
tapylmaz!

Adam dünýä geler ondan
ötmäge,
Gara gözleň çuňlugynda
ýitmäge,
Soňky günde meň üstüme
örtmäge,
Don tapylar, sary öýmäň
tapylmaz!

File engine/modules/thanks.php not found.