Haram baý.

Pul eliñde, jübä sygman gaýnaýar,
Meslik bilen beýniñ boşa aýnaýar.
Bu hala ýetdiñ sen il hakyn iýip,
Görüp seni olar saña gargaýar.

Ýygnadyñ wagtynda iliñ hakyny,
Indi bolsa iýýañ olañ aşyny,
Ol aşlar hak bolup düşmez içiñe,
Ahyr bir gün ýakar gõwre-läşiñi.

Puluñy saýmazsyñ, ýetenok sana,
Onda-da pul gitse degirýär jana,
Baýlyklar sygmaýar gabyr düýbüne,
Bilseñ-de aslynda ýetmeýär aña.

Awtory: Babamyrat S.