Ýygyrtlara, düwürtiklere melhem we derini çygly edýän 3 dürli ýumurtga maskasy.



Diňe iýip däl eýsem derimize çalyp hem peýda görüp biljegimiz iýmitleriň biride ýumurtgadyr.

Agynda aýry, sarysynda aýry witaminler, minerallar we dürli peýdaly maddalar bolan, bedenimizde peýdalylygy üçin her ýagdaýda halanylýan ýumurtga, ýeri gelende ýygyrtlarymyzy ýok etmekde iň uly hyzmaty ýerine ýetirýär, ýeri gelende derimizi düwürtiklerden, gara nokatlardan arassalaýar.

Şeýlelikde bize dürli deri tipleri üçin we deri näsaglyklaryna gabat gelýän, öýümizde aňsatlyk bilen taýýarlap biljegimiz ýumurtga maskasy reseptini bermeklik galýar.

Siz hem deriňizi tebigy maddalar bilen arassalamagy gowy görýärsiňiz we bu ýumurtga maskasyny göreniňizde ilkinjisini ulanmak isleýärsiňiz.

Üns beriň! Öýde aňsatlyk bilen taýýarlap biljegiňiz ýumurtga maskasynyñ resepti!

Ýumurtga agy maskasy nähili taýýarlanýar?

Ýumurtganyň agyny ulanyp taýýarlap biljegimiz birnäçe resept bar. Emma iň tebigysy we her deri tipinde ulanyp biljegimiz maska, ol hem ýumurtganyň agyndan taýýarlanylýan reseptdir. Ol şeýle taýýarlanylýar:

Aňsat ýumurtga maskasynyň düzümi:
1 sany ýumurtga
Aňsat ýumurtga maskasy nähili taýýarlanylýar we nähili ulanylýar?
1 sany ýumurtgany usulluk bilen çakmaly we agyny garasyndan aýyrmaly (sarysyny başga zatlarda ulanyp bilersiňiz). Biz maska üçin ýumurtganyň diňe agyny ulanarys. Bu ýumurtganyň agyny çuň bir gaba alyň we mikser bilen köpürjikleýänçä garyňdyryň.
Haçanda bu ýumurtga ak köpürjik ýaly (pena) bolan ýumurtganyň agyny arassa deriňize çalyň. 8-10 minut garaşdyranyňdan soňra deriňizi mylaýym suw bilen ýuwuň. Taýýarlan bu maskaňyzy hepdede 1 gezek arkaýyn ulanyp bilersiňiz.
Bu ýumurtga maskasyny yzygiderli ulanan ýagdaýymyzda diňe derimizi iýmitlendirmek bilen çäklenmän, şol bir wagtda deri gözenekleriň hem ýygylyk gazanmagyna kömek eder.
Eger has täsirli garyndy almak isleseňiz şu aşakdakylary ýerine ýetirmelisiňiz:
Deriňiz ýagly bolsa garyndynyň içine täze limon suwuny goşuň;
Deriňiz aşa gury bolsa ýumurtganyň agyny ýogurt,bal ýa-da zeýtun ýagy bilen garyşdyryp bilersiňiz;
Ýumurtganyň agyny ulanyp biljegiňiz başga maska resepti öwrenmegiňiz üçin şu aşakdaky ýazgymyza göz gezdirip bilersiňiz. Ýygyrtlary we gara nokatlary ýok etmeklige ýardam berýän ýumurtga maskasy:

Ýumurtga sarysy maskasy nähili taýýarlanylýar?

Ýumurtga sarysy maskasy köplenç gözenkleri ýygylaşdyrmak isleýän, gün şöhleleri zerarly derisinde hapalar emele gelen we derisi gury adamlar tarapynda ulanylýar. Derini çygly etmekde ulanylýan bu maska ine şeýle taýýarlanylýar…

Ýumurtga sarysy maskasynyň düzümi:
1 sany ýumurtga;
Ýarty banan;
1 nahar çemçesi bal;
Ýumurtga sarysy maskasy nähili taýýarlanylýar we nähili ulanylýar?
Ýumurtganyň sarysyny we agyny usullyk bilen biri-birindn aýyryň. Agyny başga naharlarda ulanmaklyk üçin başga bir gaba salyň. Sarysyny bolsa bir käsä alyp gowy edip garyň. Aýratyn bir gapda ýarty banany çarşagyň kömegi bilen püre ýaly edip,garylan ýumurtga sarysynyň üstüne goşuň, gowja garyşdyranyňyzdan soň bal hem goşup, soňky gezek gowy edip garyň. Ähli serişdeler gowy biri-birine garyşandan soň maskaňyz taýýar diýmekdir.

Bu maskaňyzy makýaž galyndyklaryndan we kirden arassalanan deriňize barmak uçlaryňyzda ýa-da ujy ýumşak çotga bilen ýüzüňize çalyň. Şu ýagdaýda 15-20 minut garaşanyňyzdan soňra deriňizi mylaýym suw bilen gowy edip durulaň. Hepde-de bir gezek gaýtalaň.

Deridäki yzlardan halas edýän ýumurtga maskasy nähili taýýarlanylýar?

Deriňizdäki yzlardan gysga wagtda halas bolmak isleseňiz ýumurtganyň hem sarysyny hem-de agyny, ýagny ählisini ulanmaklyk arkaly üýtgeşik ýumurtga maskasy taýýarlap bilersiňiz. Deri yzlarynda iň täsirlidigi aýdylýan ýumurtga maskasynyň resepti şeýle:

Deri yzlaryndan halas edýän ýumurtga maskasynyň düzümi:
1 sany ýumurtga;
1 sany käşir;
Deri yzlaryndan halas edýän ýumurtga maskasy nähili taýýarlanylaýar?
Käşiri gowja edip ýuwup arassalaň we kiçijik böleklere bölüň. Soňra bu käşirleri blendriň içine salyň we üstüne 1 sany ýumurtga çakyp gowy edip garyşdyryň. Eger öýiňizde blendriňiz ýok bolsa käşiri arassalanyňyzdan soňra gyrgyjyň inçe tarapynda gyryp, bir gapda ýumurtga bilen garyşdyryp bilersiňiz.

Bu garyşymy arassa deriňize aýlawly görnüşde çalyň we 25-30 minut garaşdyryň. Soňra mylaýym suw bilen ýuwuň. Hepde-de bir gezek ulanylmaly bu maskany yzygiderli çalmaga dowam edeniňizde takmynan 1 aýda täsirini göräp bilersiňiz.

Size “Ýygyrtlara düwürtiklere melhem ýumurtga maskasy” makalamyz peýdaly bolandyr diýip umyt etýäris!