Şunça wagt oñupsyña ýatlaman,
Indi geljek bolup azara galma,
Peýdasy ýok bu gün özüñ aklamañ,
Indi geljek bolup azara galma.

Hany seniñ başga ýaryñ bardy-la,
Bar indi señ şol ýetişsin dadyña,
Meni nirden salyp ýörsüñ ýadyña,
Indi geljek bolup azara galma.

Soramaga hakyñ ýokdur sebäbim,
Bu soraga ykbal bersin jogabyn,
Öñki söýgüñ eder indi dowamyn,
Indi geljek bolup azara galma.

Şeýlebir söýüpdim şaýatdyr Hudaý,
Bir ölüp bilmedim galamda jyda,
Bagyşlardan gijä galypsyñ juda,
Indi geljek bolup azara galma.

Mundan artyk wagtymy alma beter,
Aýdara sözüm ýok şularam ýeter,
El bilen edenñi egniñde göter,
Indi geljek bolup azara galma.

Aýdymdan