Bir jerene awçy boldum ,
Göwün köşgün söke--söke ,
Bagtym synap sawçy boldum ,
Yşk derdini çeke-- çeke.
...
"Dillen , gözel , ne hyýalda ,
Aşyk bolmak ýokmy ilde?
Goýma meni beýle halda"
Diýdim , dyza çöke-- çöke
...
Aýak tozun etdim togap ,
Habar gatdym , gözlåp sebäp .
On soragma ýeke jogap
Aldym , gözüm dike--dike.
...
Galkyp gitdi aşyk göwün ,
Yşkym joşdy bogun--bogun.
Bir käseden nika suwun
Içdik , mähri ýaka--ýaka.