«Taliban» Owganystanyň täze hökümet düzümini belli etdi
“Taliban” hereketiniň wekilleri sişenbe güni agşam Owganystanyň täze wagtlaýyn hökümetiniň düzümini belli etdiler. Onuň baştutany Mohammad Hasan, onuň orunbasarlary – Abdul Gani Baradar we Abdul Salam Hanafi boldy, ýokary lideri Haýbatulla Ahundzada ministrler kabinetinde wezipe eýelemedi.
Ýolbaşçylyk:
Premýer ministr – Şura (“Taliban” ýolbaşçylar geňeşi) ýolbaşçysy Mohammad Hasan. Ol Hereketiň dörän ýerinden – Kandagardan gelip çykan, “Talibanyň” häkimiýet başynda bolan ilkinji döwründe (1996 – 2001) Ministrler geňeşiniň başlygynyň birinji orunbasary, Daşary işler ministri we Kandagaryň gubernatory wezipelerini eýeledi.
Wise-premýer – “Talibanyň” syýasy toparynyň lideri Abdul Gani Baradar. Ýene bir wise-premýer – Katarda Hereketiň syýasy ofisiniň ýolbaşçysynyň orunbasary Abdul Salam Hanafi. Hereketiň ilkinji hökümetinde Bilim ministriniň orunbasary boldy.
Hökümet düzümi:
Täze hökümetiň düzümine premýer ministrden we onuň orunbasarlaryndan başga-da, 19 ministr girdi, şeýle-de Merkezi bankyň, Baş ştabyň we aňtaw gullugynyň ýolbaşçylarynyň atlary belli edildi.
Owganystanyň KHBS-i olaryň ählisiniň “Talibanyň” agzasydygyny belleýärler. Hereketiň wekili Zabihulla Mujahidiň aýtmagyna görä, talibler hemişelik kabinete owgan jemgyýetiniň ähli gatlaklaryny girizmegi meýilleşdirýärler. Ministrleriň aglaba köplügi Owganystanyň iň uly etniki toparynyň wekilleri bolan puştunlardyr. Täze ministrleriň ählisi – erkekler.
Ýaragly güýçler we daşary syýasat blogy:
Goranmak ministri – Muhammad Ýakub Mujahid ýa-da molla Ýakub. Ol 2013-nji ýylda aradan çykan “Talibany” esaslandyryjy molla Omaryň ogly.
Daşary işler ministri – “Talibana” ýolbaşçylyk boýunça Komissiýanyň başlygy Amir han Mottaki. Talibleriň häkimiýet başynda bolan ilkinji döwründe ol Ýokary bilim ministrligine ýolbaşçylyk etdi. DIM-iň orunbasary – Şer Mohammad Abbas Stanikzaý.
Içeri işler ministri – köplenç, ýarym garaşsyz diýlip atlandyrylýan “Hakkani tory” terroristik guramany esaslandyryjy Jelaluddin Hakkaniniň ogly Sirajuddin Hakkani. KHBS-iň habar bermegine görä, 15-nji awgustda Kabul ele alnandan soň, ol şäher ýagdaýyna jogap berýär.
Aňtaw gullugynyň ýolbaşçysy – “Talibanyň” syýasy toparynyň agzasy Abdul Hak Wasik.
Ykdysady we beýleki ministrler:
Ykdysadyýet ministri – Kari Din Mohammad Hanif. Bilim ministri – şeýh Mawlawi Nurulla Munir, Ýokary bilim ministri – Mawlawi Abdul Baki Hakkani.
Medeniýet we maglumat ministri – 1996 – 2001-nji ýyllarda IIM-iň ýolbaşçysy wezipesini eýelän Haýrulla Haýhwa. Onuň orunbasary – köp wagtlap “Talibanyň” wekili bolan we 17-nji awgustda Kabul ele alnandan soň talibleriň ilkinji metbugat konferensiýasyny beren Zabihulla Mujahid.
Aragatnaşyk ministri – Najibulla Hakkani. Awiasiýa we ulag işleri boýunça ministr – Hamidulla Ahundzada. Merkezi bankyň başlygy – öň “Talibanyň” ykdysady meseleler boýunça komissiýasyna ýolbaşçylyk eden Mohammad Idris.
Ýolbaşçylyk:
Premýer ministr – Şura (“Taliban” ýolbaşçylar geňeşi) ýolbaşçysy Mohammad Hasan. Ol Hereketiň dörän ýerinden – Kandagardan gelip çykan, “Talibanyň” häkimiýet başynda bolan ilkinji döwründe (1996 – 2001) Ministrler geňeşiniň başlygynyň birinji orunbasary, Daşary işler ministri we Kandagaryň gubernatory wezipelerini eýeledi.
Wise-premýer – “Talibanyň” syýasy toparynyň lideri Abdul Gani Baradar. Ýene bir wise-premýer – Katarda Hereketiň syýasy ofisiniň ýolbaşçysynyň orunbasary Abdul Salam Hanafi. Hereketiň ilkinji hökümetinde Bilim ministriniň orunbasary boldy.
Hökümet düzümi:
Täze hökümetiň düzümine premýer ministrden we onuň orunbasarlaryndan başga-da, 19 ministr girdi, şeýle-de Merkezi bankyň, Baş ştabyň we aňtaw gullugynyň ýolbaşçylarynyň atlary belli edildi.
Owganystanyň KHBS-i olaryň ählisiniň “Talibanyň” agzasydygyny belleýärler. Hereketiň wekili Zabihulla Mujahidiň aýtmagyna görä, talibler hemişelik kabinete owgan jemgyýetiniň ähli gatlaklaryny girizmegi meýilleşdirýärler. Ministrleriň aglaba köplügi Owganystanyň iň uly etniki toparynyň wekilleri bolan puştunlardyr. Täze ministrleriň ählisi – erkekler.
Ýaragly güýçler we daşary syýasat blogy:
Goranmak ministri – Muhammad Ýakub Mujahid ýa-da molla Ýakub. Ol 2013-nji ýylda aradan çykan “Talibany” esaslandyryjy molla Omaryň ogly.
Daşary işler ministri – “Talibana” ýolbaşçylyk boýunça Komissiýanyň başlygy Amir han Mottaki. Talibleriň häkimiýet başynda bolan ilkinji döwründe ol Ýokary bilim ministrligine ýolbaşçylyk etdi. DIM-iň orunbasary – Şer Mohammad Abbas Stanikzaý.
Içeri işler ministri – köplenç, ýarym garaşsyz diýlip atlandyrylýan “Hakkani tory” terroristik guramany esaslandyryjy Jelaluddin Hakkaniniň ogly Sirajuddin Hakkani. KHBS-iň habar bermegine görä, 15-nji awgustda Kabul ele alnandan soň, ol şäher ýagdaýyna jogap berýär.
Aňtaw gullugynyň ýolbaşçysy – “Talibanyň” syýasy toparynyň agzasy Abdul Hak Wasik.
Ykdysady we beýleki ministrler:
Ykdysadyýet ministri – Kari Din Mohammad Hanif. Bilim ministri – şeýh Mawlawi Nurulla Munir, Ýokary bilim ministri – Mawlawi Abdul Baki Hakkani.
Medeniýet we maglumat ministri – 1996 – 2001-nji ýyllarda IIM-iň ýolbaşçysy wezipesini eýelän Haýrulla Haýhwa. Onuň orunbasary – köp wagtlap “Talibanyň” wekili bolan we 17-nji awgustda Kabul ele alnandan soň talibleriň ilkinji metbugat konferensiýasyny beren Zabihulla Mujahid.
Aragatnaşyk ministri – Najibulla Hakkani. Awiasiýa we ulag işleri boýunça ministr – Hamidulla Ahundzada. Merkezi bankyň başlygy – öň “Talibanyň” ykdysady meseleler boýunça komissiýasyna ýolbaşçylyk eden Mohammad Idris.
24 комментария