“Talyban” hereketi düýn iň soňky amerikan harbylary ýurtdan çykandan soňra Owganystanyň doly Garaşsyzlygyny yglan etdi, bu barada Sky News habar berýär.

Habar gulluklary hereketiň agzalarynyň Kabulda ýaraglardan ok atmak bilen, ABŞ-nyň harby güýçlerini ýurtdan çykarmagyny baýram edendiklerini habar berdi.

30-njy awgustda ABŞ Owganystandaky 20 ýyla çeken harby tutumyny bes edýändigini yglan etdi, bu barada Pentagonyň wekili general Kennet Makkenzi metbugat ýygnagynda resmi mälim etdi. Ol Owganystanda ýekeje-de amerikan esgeriniň galmandygyny, düýn iň soňky uçar bilen ABŞ-nyň Owganystandaky ilçisi Ross Uilsonyň hem bu ýurdy terk edendigini habar berdi.