Italiýanyň çempionatynda 5-nji tapgyrda Napoli myhmançylykda Sampdoriýa toparyny 4-0 hasabynda ýeňdi. Neapollylara ýeňiş getiren gollary Osimhen (10, 50), Ruiz (39) hem-de Zielinski (59) derwezä girizdi. Şeýlelikde, Napoli 5-nji tapgyrda-da ýeňiş gazanyp, ýeke utuk hem ýitirmän Serie A-da birinji orunda barýar. Luçano Spallettiniň şägirtleri nobatdaky tapgyrda öz meýdançasynda Kaliari bilen duşuşar. Serie A-da 5-nji tapgyryň jemleýji oýnunda Roma öz meýdançasynda Udinezeni Abrahamyň ýeke-täk goly bilen 1-0 ýeňdi. Lasio bolsa myhmançylykda Torino bilen 1-1 deňme-deň oýnap, rimliler soňky minutlarda Immobileniň goly bilen ýeňlişden halas boldy.

Serie A-da 6-njy tapgyrda Inter-Atalanta, şeýle-de Rim derbisi Lasio-Roma duşuşyklary tapgyryň iň esasy oýunlary bolar.