Men kime gerekli?!
Näme üçin gerekli?!
Işlerini çalt bitirmek üçinmi?!
Mendedem-ä üýtgeşik bir ukyp ýok,
Eder ýaly olaň işin derekli.

Men kime gerekli?!
Näme üçin gerekli?!
Şol söýgide ýene ýanmak üçinmi?!
Öňem-ä ugrunda ençe köýdürip,
Ýene oňa meni ýakmak gerekmi?!

Men kime gerekli?!
Näme üçin gerekli?!
Kösenç üçin geldimmi men bu dünýä.
Tomsuň yssysynda, gyşyň sowugynda,
Ýanyp, bişip, doňup galmak gerekmi?!

Dostlara gerekmi atsyz bolanyň,
Gyzlara gerekmi pulsyz bolanyň,
Aýtmaly biz hakykady iň gowsy,
Ýagşydyr gözüňi sessiz ýumanyň.

Belki indi gerek däl men hiçkime,
Peýda bermen bir bendäniň işine,
Ýöne bilýän anyk ýekeje zady,
Men diňe, diňeje özüme gerek.

Rahymberdi Suhanow