Aýaly bilen ertirlik edinen adamsy işe gitmäge taýýarlanýardy. Açaryny almak üçin içerki iş stolynyň ýanyna bardy. Birdenkä stolyň üstüni we telewizoruň ýüzüni çala örten çaň-tozana gözi düşdi. Ol açaryny öňki ýerinde goýdy-da, usullyk bilen otagdan çykdy we sypaýylyk bilen aýalyna ýüzlendi: ,,Keýwany, iş stolumyň üstündäki açarlary alyp goýber."
Aýaly otaga girip, stoluň üstündäki açarlary almakçy bolanda, çaňlaryň ortasynda barmak bilen ýazylan ,,Meniň ezizim" diýen ýazga gözi düşdi. Aýaly açary alyp, otagdan çykmakçy bolanda, telewizoruň ýüzindäki ,,Ömrümiň hemrasyna söýgi b/n!" diýen ýazgyny hem gördi. Aýaly adamsyna açary gowşyrýar we müýn gatyşykly ýylgyryş b/n ýoldaşynyň ýüzine garaýar. Bu garaýyşda: ,,Öýüň arassaçylygy ü/n mundan beýläk has çynlakaý alada ederin" diýen manyny okamak bolýardy. Adamsy aýalynyň ýazga magat düşünendigine göz ýetirdi we ýylgyryşa ýylgyryş b/n jogap berdi.
Ol ýanýoldaşynyň bärden gaýtýan käbir hereketlerine azgyryljak, gygyrjak, haýbat atjak ýa-da ýazgaryp köteklejek bolmady. Her bir zada mylakatly we göwne degmezlik b/n çemeleşýär, garaşylan netijäni hem alýar. Ähli ýagdaýda hem mylakaly, sypaýy bolmagy unutmaly däldiris.

File engine/modules/thanks.php not found.