Ine seret, bu güni hem öldürdük...
Gün batyp barýar. Bu günüň hem, ahyryna geldik diýen ýalyé. Indi täze bir güne geçip şu güni yzyna getirip biläýjek güýjüň ýokdugyny bilýän. Bu güni ýuwaş-ýuwaş öldürýäs, öleninden soň, ne sen yzyna getirip bilersiň, nede şol güne dolanyp. Hany pikirlen bakaly, sen nähili ýatlamalar bilen bezediň geçen günleriňi? Hiç zat etmediňmi? Ýa, şatlanyp aýdyp biljegiň ýatlama bolmadymy? Şatlygyň öz-özünden peýda bolmagyna garaşýan bolsaň-a, ýalňyşýaň. Şatlanmak seniň eliňde ahyryn? Ýa, gynançly wakalar sebäpli, şatlanmagy isläňokmy? Elbetde şatlanmagy isleýäň. Geçen zat geçdi. Ho-ol günki ýalňyşyň, şol öldüren günümizde galdy. Egerde sen, her bir minudyň gadryny bilsediň, häzir iň gowy ýatlamalaryňa buýsanardyň. Bu günüň hem sanalgyja wagty galdy. Bu günümiz hem elden gidip barýar. Belki, bu güni gorkunç wakalar bilen dolduransyň. Emma, bu gün gutarar, täze bir gün başlar. Belki, sen täze günde, täze wakalary başdan geçirersiň. Bir az bolsada şatlanarsyň. Hemişe gynanyp gezmeli diýlen zat ýog-a... Şatlanmak, we gynanmak saňa bagly. Geçen geçdi diý unut. Erbetliklere üns berme, göwnüňe degip bilerler, ýa, kemsitmek isläp bilerler. Sen diňe ýylgyrmagy başar. Her bir kynçylyk seniň başyňdan geçer, gynanjak bolsaň, gynanmaga zat känle. Emma, begenmek isleseň hem begenmäge şatlanmaga, ýylgyrmaga bahana tapylar. Belki, dertleşip bilers dosdum. Men seni ýadawsyz bir şekilde diňlärn. Belki bu gün sen şatlanmagy islemersiň, emma ertir bar? Ertir, täze bir günde şatlanmaga synanşsana? Hemme zat gowy boljagyna ynanýan. Eýýäm Güneş hem batypdyr. Ine Seret, bu güni hem öldürdük...
©Ogulşirin Bayramowa
15.02.2022ý.
©Ogulşirin Bayramowa
15.02.2022ý.
21 комментарий