Öýlenmänkäň hossarlaryňdan sowaşyp başlamaga türgenleş. Barybir öýleneňsoň, gaýynlaryňy olardan ileri görmeli bolarsyň!
***
Goňşyň - näme iýse iýjek, näme geýse geýjek bolup dalaşma! Bardy - geldi ol birden başlyk bolaýsa nädersiň? Hojalygyň dargar!
***
Pejiňe kömür ýakandan, sazak ýak. Bolmanda külüňi nas bejerýänlere satarsyň!
***
Öňüňden çykan çagajygyň kellesini sypap geç! Sen pensiýa ýaşyňa ýeteniňde, olaryň biriniň raýsobese başlyk bolup oturaýmagy mümkin.
***
Ilki öýňüzden birini awtomaşyn zaprawka edilýän stansiýa işe ýerleşdir-de, onsoň maşyn edin!
***
Bir zady bek belle: aç towuk düýşünde dary görýändir, aç derňewçi bolsa towuk.
***
Maşgalada aýalyň bilen galmagal-jenjel bolup biler. Ýöne munuň wagtlaýyn zatdygyny unutma. Darykma, giň bol. Kyrk-elli ýyljyk çydam etseň, hemmesi ýerbe-ýer bolar.
***
Söýýän gyzyňyň ilki enesine gowy görün, ýöne itlerini-de özüňe öwrenişdirmegi unutma!
***
"Özüňkiň belli gadyry ýok" diýilip, ýöne ýere aýdylýan däldir. Aýalyňa boýnuň burup ýalbarsaň, öz aýlygyňdan bäş-on manat beräýmegi mümkin.
***
Öýüňden islän wagtyň soragsyz gidip, islän wagtyň hem gelip bilýän bolsaň onda özüňi bagtly hasap et.

File engine/modules/thanks.php not found.