Dertdeşine dert ýolugsa,
"Duýarmyş diýdiler ynsan."
Sözlemäge sözi känkä,
"Dymarmyş diýdiler ynsan."

Ýüregi gan aglap käte,
Ynanany ýalan çyksa,
Gözýaşyny gökde gizläp,
Ýylgyrarmyş ýalanjykdan.

Atan oky boş bor öýdüp,
Emgenermiş çenenmäge.
Ýa:zar saýyp soñy gama,
Wehm eýlärmiş begenmäge.

Göwni gubar baglaýarka,
Mätäçkä nesihatlara.
Ýakyna syryn ynanman,
Için dökermiş ýatlara.

Kä heserli günlerinde,
Kä şowhundan daşaýanda,
Elin goýup ýüregine
Diñlärmişin gürs-gürsüni
Ynanman ýaşaýanyna.

...Söýenine hany-manyn
"Serermiş diýdiler ynsan."
Özüni söýene hesret
Berermiş diýdiler ynsan.

Mahym NURGELDIÝEWA.

Dertdeşine dert ýolugsa,
"Duýarmyş diýdiler ynsan."

- Sen bilýänem dälsiň, ikimiziň dertdeşdigimizi. Ýöne sen ol derdi bilmekden gijä galdyň. Biz duýgudaşdygam, şonda-da başymdaky derdi duýmadyň ýa-da duýmazlykdan geldiň.

Sözlemäge sözi känkä,
"Dymarmyş diýdiler ynsan."

-Senem maňa hiç zat sözläňok, menem saňa. Näme üçin? Sözlemäge sözüň ýokmy ýa sözlerdän sözüň köpmi? Menden sorasaň, sözlerdän sözüm kän.

Ýüregi gan aglap käte,
Ynanany ýalan çyksa,
Gözýaşyny gökde gizläp,
Ýylgyrarmyş ýalanjykdan.

- Ýalanlar özüne öwrenişdirýärmi ýa ýalan sözleýänler, bilebilmedim. Men-ä ikisine-de öwrenişen ynsan. Ýöne ýylgyryşym ýalan däl.

Atan oky boş bor öýdüp,
Emgenermiş çenenmäge.

-Dogry. Bir gezek synanyşdym. Boş boljagyny belli edensoň, ol oky oňa garşy çenemekdenem saklandym.

Ýa:zar saýyp soñy gama,
Wehm eýlärmiş begenmäge.

-Men seni tananyma henizem begenýän. Soňy gama ýa:zyberdi diýseňem bolýar. Sebäbi seň öňkiligiň ýok. Göwnüme bolmasa sen ökünen ýaly meni tananyňa. Ýüzüňi öwürip oturma, men seni gama batyrmaryn.

Göwni gubar baglaýarka,
Mätäçkä nesihatlara.
Ýakyna syryn ynanman,
Için dökermiş ýatlara.

-Maňa syryňy ynanman ýatlara içiňi döküp ýörmüň? Aý ýok, meň tanaýan ynsanyma beýle bolmaly däl. Eger şeýle bolsa, menem ýat seň üçin. Dökerdiň maňa-da içiňi. :)

...Söýenine hany-manyn
"Serermiş diýdiler ynsan."
Özüni söýene hesret
Berermiş diýdiler ynsan.

-Bu setirleriň dogram bolsa, özümi ynandyrasym gelenok. Çünki, bagt berip hesret almak agyr duýgy.


Umuman bu goşgy şahyryň döredijiliginde halaýan goşgularymyň biri.
Şahyra ÝÜZLENME!
Salam jora. Kim näme diýip ynandyranam bolsa, men üýtgemedim, senem üýtgeme! Men seni ikinji gezek tanasym gelenok, ilkinji tanaýşymça galmagyňy isleýän.
Wiý, ýene bir zat aýdaýyn. Birine seň goşgularyň barada aýdyp, okap berdim, ol tanaýan eken, seni öwdi, goşgynam gowy ýazýar diýdi.

Salam, gynansagam adamy iki gezek tanamaly bolýa. Ýöne ilki bilen meň pikirimçe adam özüni gowy tanamaly, soňra gatnaşyk saklaýan adamlaryny tanamaga synanşmaly. Durmuş bu, öwrüm öwrüm, şeýle bir garaşylmadyk ýagdaýlar bolýa welin iki aýdan ýa bir ýyldan soň ýatlap ýylgyrýaň. Düýn seni başyna täç edenler bugün görnenok, niredekä olar)) emma düýn seniň üns bermedik adamlaryň bugün seniň ýanyňda.

Dogry

Mowzugyñ adyny okap"Goşguñ awtory kimkä?" diýjekdim.Özüñ aýdypsyñ :))
Bu oýlanmany neneñsi psihologiýada ýazanyñy bilemok (belkem,gaharly ýa gamgyn halda ýazansyñ) ýöne men muny okap çynym bilen ýylgyrdym.Şeýtmegimiñ iki sebäbi bar:
1.Maña henizem ähmiýet berýänligiñ meni begendirdi.
2.Oýlanmada ulanan meñzetmeleriñ gülkümi tutdurdy.
Men özümiñ kimdigimi ýa nämedigimi agtaryp ýördüm.Asyl men greýpfrut ekenim :)) Ýaman ýeri,greýpfurtyñ neneñsi miwedigini bilemok :)) Ahyry biri meniñ nähili närsedigimi bildi diýip begensem olam tanamaýan närsäm bolup çykaýmazmy?! Bolmajak bolanda bolmaz ekeni :))
Pyrtykal,greýpfrut,kiwi ýa-da armyt bularyñ hersi özüne mahsus tagamy bolan miweler.Biriniñ turşudygy ýa-da ajydygy onuñ ýaramazdygyny añlatmaz.Şol sanda seniñ olaryñ haýsy hem bolsa birini iýmeýändigiñ hem onuñ ýaramazdygyny añlatmaz.Bu seniñ tagam biliş ukybyña baglydyr.Ýagny men kiwini halamasamam "Kiwi erbet miwe!"diýip bilmerin.

Wiý,salam bermegi unudypdyryn.Özüñe-de salam!
"Şahyr"meniñ boýumy aşan öwgi bolupdyr.Tüýs ýüregimden "Sag bol"diýýän.Goşgularyma gowy diýeniñ kimdigini bilesim gelýär.Hökman aýt.Bilesigelijiligim bilen oýun etme!
Indi geleli,miweler bilen hiç hili dahyly bolmadyk (men-ä baglanyşyk görüp bilmedim) ikimiziñ gatnaşygymyza.
Sen hakynda gep aýdyp,ýörite yhlas edip meni ynandyrjak bolan adam ýok.Biri gürrüñ arasynda adyñy agzady,sen hakynda sorasam aýdardy,ýöne men seni ondan diñlemek islemedim.Çünki,duýgularynyñ durnuksyzdygyna düşündim.Soñ başga birinden soradym.Olam ser berdi,syr bermedi.Diñe ýekeje tankydy garaýşyny aýtmak bilen çäklendi.
Ýöne men seni iñ köp senden diñlemek isledim Nirvana! Howwa,men senden habar tutmadym,"Halyñ niçik?"diýmedim.Senem-ä içiñdäki gopýan harasatdan maña habar etmediñ.Näme üçin?
Belki,men özüñi meniñ öñümde hasabat bermäge mejbur duýmazlygyñ üçin şeýdendirin.Belki,tanyşyp-tanyşmakak senden rugsat soramazdan içki duýgularyña aralyşybermegi ters hasaplandyryn.Bulary pikir edip görüpmidiñ?
Seni tananyma ökünemok.Ýadyña düşýän,bolsa özümiñ kimdigimi hiç kime äşgär etmek islemeýän döwrümde gypynç-çekinçsiz saña aýdypdym kimdigimi.Bagyşlama goşgularyny juda az ýazýandygyma garamazdan saña bagyşlap goşgy ýazypdym.Bular seniñ mendäki ähmiýetiñi görkezmeýärmi Nirvana?
Howwa,men senden habar tutmadym.Ýöne meniñ senden habara garaşanlygym hakda oýlanmadyñmy? Içki dünýäñe aralaşmak üçin haýsydyr bir yşarata garaşanlygym hakda pikirlenip görmediñmi? Galyberse-de haýsydyr bir programmadaky ýazgynyñ üsti bilen däl-de sesiñi eşitmek arkaly ikimiziñ kalbymyzyñ arasyna köpri çekmek isleýändigime düşünmediñmi?
Sen meñ gadyr goýan "Joram"diýen juda az sanly gyzlarymdan birisiñ.Seniñ okuwyñy gutaryp,ülkämize gelip,maña jañ etjek günüñe sabyrsyzlyk bilen garaşýan.

Bayker,
Salam Maksat aga, gowumy ýagdaýlaryňyz?!
Dogry aýdýaňyz. Heniz özümizi doly tanap ýetişmänkäk, başgasyny ýalňyş tananymyz üçin gaýgylanan bolýas.

(Düýn seni başyna täç edenler bugün görnenok, niredekä olar)) emma düýn seniň üns bermedik adamlaryň bugün seniň ýanyňda.)

-Bu setirler men baradamy?
Eger şeýle bolsa, habar ýokdyr olardan. :) Şol durmuşymdan gidenler üçin Frido Kahlonyň sözini ýazaýyn-la.
“Durmuşymdan çykan, meni özünden halas edenlere sag bolsun aýdýan. Örän agyr bir hassalygy ahyry ýeňen ýaly ýeňledim. Ýoklugyňyz ajaýyp derman eken.”

Aldadym diýip öz göwünlerini hoşlap gezip ýörendirler.

Salam. Haýsy dogry? :)

gowy goshgy eken

salam herkese

Mümkin,
Bu oýlanma gaharlam däl, gynançlam däl. Rahat, duryja kelle bilen ýazylan :)
Elbetde ähmiýet berýän. Ol meňzetmeleriň biri erbet ýa biri gowulygy aňlatmaýar. Diňe şekili tapawutly. Ýogsa hersiniň öz peýdalary we zyýanlary bar. Aslynda bu oýlanma ýörite saňa niýetlenip ýazylmady.

“Ylham almaýarsyñ,berýärsiñ ylham“

Ýadyňa düşýärmi bu setirler. Meň üçin ýazypdyň. Menem säher bilen seň goşgularyňy okap otyrkam, bu we “Gorky” goşgyň meň pikirlenmegime we bu ýazgyna paýlaşmagyma sebäp (ylham) bolaýdy. Greýpfrut pyrtykala meňzeş, emma içi gyzyl reňkde.

arsi,
Hawa gowy ýazýar şu gyz.
Salam!

geljegi ba tuweleme.

taze natanysh

Nirvana,
Elbetde ýadyma düşýär.Sen hakykatdanam ylham berýäñ.
Wah-eý,greýpfurtam dälmi indi men? Ýañybir biri meñ nämedigimi bildi diýip begenipdim :))

Nirvana,
Meni tanaýan,öwen kişiniñ kimdigini sorapdym.Bilesigilejiligimi kanagatlandyrmagyñyzy sizden uly hormat bilen haýyş edýän duýguçyl gyz :))

Mümkin,
Senem nesip bolsa şol ada eýe bolarsyň. Goşgularyňa gowy diýenem şahyr.

(Biri gürrüñ arasynda adyñy agzady,sen hakynda sorasam aýdardy,ýöne men seni ondan diñlemek islemedim.Çünki,duýgularynyñ durnuksyzdygyna düşündim.Soñ başga birinden soradym.Olam ser berdi,syr bermedi.Diñe ýekeje tankydy garaýşyny aýtmak bilen çäklendi.)

Duýdum özä gürrüňimiň edilýänini we ediljek bolýanyny. Duýgyr gyzdyryn men, indi meni menden soragyn. :)

(Ýöne men seni iñ köp senden diñlemek isledim Nirvana! Howwa,men senden habar tutmadym,"Halyñ niçik?"diýmedim.Senem-ä içiñdäki gopýan harasatdan maña habar etmediñ.Näme üçin?)

-Şu ýerde men barada kesgitleme ýazýarkalar, sag bolsun joram diýip ýüzlenýän ýekeje ynsanym ýagdaýym we özümi nähili duýýanlygym bilen gyzyklandy. Ýeri gelende maslahat, ýeri gelende göwünlik berdi.
Men saňa habar bermedim. Sebäbi soramadyňa diýjek däl. Bor-la diýeýin. SORAMADYŇ! Menem öz derdim bilen seni we başgalary meşgul etmek islemedim.
Pikirlendim, oýlandym we düşündim. Şol esasynda-da kän garaşman, garaşdyrman saňa ýüzlendim.
Senem meň üçin eziz. Nesip bolsa şol güne az wagt galdy.

Mümkin,
Greýpfurt lakam göwnüňe ýaran bolsa, şeýle ýüzlenäýeris saňa :)

Allanur ÇARYÝEW.

arsi,
Bolmasa gynanardym men.

sozleri owadan yazyanyzla tuweleme maladys

ikinizinem adynyz nm yaman bilesim gelyada siz hakda

Nirvana,
Ýok,men ýöne maña ahyry biri at dakdy diýip begendim :))
Soramak barada aýtsam käte käbir adamlaryñ derdini paýlaşjak bolsañ özünden gep gözleýändir öýdýärler.Şeýle pikir etmegiñden gorkdum.Hemem ýokarda aýdyşym ýaly içki dünýäñe derrew aralyşybermek üçin senden bir yşarata garaşdym.
Allanur awtor sag bolsun!Galamdaşlarymyñ pikri meñ üçin möhüm.Ony nireden tanaýanyñ gyzyklandyrdy? (şu meñ gepçiligime alaç ýok-da :))

arsi,
Ola-a Edi menem Büdi :))

Allajanymey bir narmanly jogap alarn oytdim wln gelyan jogapda inha

arsi,
Men size öñem aýtdym mowzuklarymy ünsli okasañyz bilersiñiz diýip.Şu mowzukdaky teswirleri ünsli okasañyz meniñ kimligim bildirip dur-a.

Goshgy hakykatdanam gowy ajayyp yazylypdyr.

arsi,
Mumkin.
Bu Mahym Nurgeldiyewa.
Nirwanany tanamok onler ikisi bir adamdyr oydyardim .yazyan zatlary ozuni alyp baryshlary menzeya biri birine

Nirwana agzanyn yazyan mowzuklaryny myhman bolup gelyakamem okayadym bashga saytlardada gowy mowzuklar.oylanmalar paylashyar ikisi hem

Nirvana,
Şu mowzugyñy pozmazlygyñy haýyş edýän.Men hakdaky ajaýyp pikirleriñ we meniñ sen hakdaky pikirilerimiñ şu ýerde galmagyny isleýän.

*pikirlerimiñ

Bu atlaram-a hiç neneň däl eken Büdi :))