Şahyr däl men goşgy ýazýan,
“Yşka, söýgä gul” diý maňa!
Aglap bilmerin ýalandan,
“Ýalanjykdan gül!” diý maňa!

“Söý — diý — ýagşyny, ýamany”,
“Haýry, şeri duý!” diý maňa!
“Ol beyik Keremiň Nurun
Gursagyňa guý!” diý maňa!

Bilmen, känmi günä, sogap?!
“Ýaşama-da, ýan!” diý maňa!
...Galam tutup başarmasam,
“Ýüregiňden ýaz!” diý maňa!

Asmanda pelpellär ruhum,
(“Ah, ruhsuz sen kim?!” diý maňa!)
“Aýtjaklaryň söze sygmaz,
Gepleme-de, dym!” diý maňa!


Bilbil KAKABAÝEWA