Ýykyl, dünýä!
Ýumrul, dünýä, üstüme!
Kaýyllyga deň gelmese edeniň.
Günäli men, çykan bolsaň kastyma,
Salgym bolsun arzuw diýip ýetenim.

Neçün maňa ertirlerim gorkuly,
Ýa çäklimi durmuş hakda düşünjäm?!
Islemändim nesibämden artygy.
Kaýyllyk bar ýazgydyma ýetinçäm.

Arzuwlarym – gussalara çakylyk,
Armanlar kükregi daglaýan wagty.
Nazaryňda eglenermi bakylyk,
Süýji hyýallaryň aglaýan wagty?!


Allanur ÇARYÝEW.

File engine/modules/thanks.php not found.