Bir ýere öňem baran ýaly, bir duýgyny öňem ýaşan ýaly ýada öňem bir wakany başyňyzdan geçiren ýaly duýýan bolsaňyz ýada duýan bolsaňyz diýmek sizem..................

Dünýäde ýaşaýan adamlaryň 70%-i bir wakany ýada bir duýgyny öňem başlaryndan geçiren ýaly duýýar.
Muňa "Dejavu"(fransuz dilinden alynan söz). Dejavu(dežäwü) - öňem görülen manysynda.

Dejavu hadysasy esasanam 15-25 ýaşlardaky adamlarda has köp bolup geçýär. Dejavu hadysasyny dürli filimlerde we senariýalarda hem görmek bolýar. "Final Destination" filiminiň ähli bölümlerinde betbagtçylyklary öňünden görýän gahryman bar. Matrix filiminde Neo haçanda basgançaklardan ýokaryk çykjak bolanda bir gara pişigi öňem gören ýaly bolýar. Denzel Waşingtonyň baş rolunda oýnan Dejavu filiminde Dejavu hadysasynyň filimiň esasy senariýasy oňurgasy hökmünde ulanylandygyny görmek bolýar.

Eýsem bu hadysa näme we nämeler sebäp bolýar?
Dejavu hadysasyny düşündirýän 50-den gowurak çaklama bar.
Elbetde "çaklama" diýýän. Sebäbi häzirki döwüriň ylmy delilleri bilen düşündirmek ýada ylymy metodikalar bilen doly ýagdaýda anyklamak müňkin däl. (Belki gelejekde ylymy deliller bilen düşündiriler ýada anyklanar). Ýöne olaryň arasyndan 2 sanagyny size düşündirmekçi.

1. GIJIKME.

Adamyň beýnisi 2 sany ýarym şardan sag we çepýarym şarlardan ybarat. Sag we çep ýarym şarlaryny arada baglaýan bir köpri bar. Bu köprä ylymy dilde "Corpus Callsum" diýýäris. Haçanda duýgy synalarymyz tarapyndan maglumat 2nji ýarym şaryna geçjek bolanda aradaky köpüri sebäpli birnäçe millisekunt gijä galmak hadysasy bolup geçýär. Meselem: biz bir zada seredenimizde maglumat bir ýarym şaryma meselem sag ýarym şaryma has ir barýar. Haçanda maglumat köpriniň üstünden geçende birnäçe millisekuntlyk gijä galan ýagdaýynda men Dejavu hadysasyny başdan geçirýärin.

Eger Dejavu hadysasy bir günde birnäçe gezek gaýtalanýan bolsa onda size hökmany ýagdaýda lukmana ýüz tutmak maslahat berilýär. Sebäbi esasanam tempralogik eplesiýasy diýilip bilinýän Garaguş keselinde tutgaý tutmazdan ozal Dejavu hadysasyny görýändikleri anyklanyldy.
Ýöne eger kääwagt bir gezek görýän bolsaňyz onda gorkmaň çekinmäň alada etmäň. Sebäbi bu bir kesel däl.

2. DÜÝŞLER.

Adamlar görýän düýşleriniň 90%-ni ýatlaryndan çykarýarlar. Käwagt adamlar gelejekde boljak käbir wakalary edil boluşy ýaly düýşünde görüp bilýär we ony unudyp bilýär. Emma görülen düýşler ýitip ýok bolman, olar aň astyna ýerleşýär. Bu meseläni şeýle düşündirip bolar.Ýagny, adamyň ýady 2 bölekden ybarat. 1) Aň üsti (5%) we 2) Aň asty (95%). Aň üsti biziň ýadymyza düşýän zatlar, öwrenen şu wagt hakydamyzda bolýan zatlar. Aşaky bölek bolsa, biziň gören eşiden öwrenen zatlarymyz, ýöne unudan zatlarymyz we ine şular aň astynda ýerleşýär. Haçanda düýşde görülen ýöne unudylan ýagny aň astyna ugradylan maglumat durmuşda haçanda garşymyza çykanda bular (düýş we huş) biri biri bilen örtüşýär we "Öňemä Şuny Bir Ýerde Görüpdim" (Dejavu bolup geçýär) diýýäs.

Dejavu hadysasyny başgada düşündirýän Parallel Älemler teoriýasy, Glitch teoriýasy ýada Matrix teoriýasy ýaly birnäçe teoriýalar bar. Ýöne bu teoriýalaryň ählisini size düşündirmäge ne mende wagt bar nede siziň sabyryňyz ýeter.


EGER MENIŇ PIKIRIMI SORASAŇYZ "BU "Dejavu" ASLYNDA BIR HADYSA DÄL, OL BIR NETIJE. EDIL KELLE AGYRY ÝALY. KELLE AGYRA BIRNÄÇE ZAT SEBÄP BOLUP BILÝÄR. MESELEM SOWUKLANYŇYZDA KELLÄŇIZ AGYRAR ÝADA ERBET BIR ZADY GATY ALADA EDEŇIZDE. EDLI ŞONUŇ ÝALY DEJAVU HADYSASYNY BAŞDAN GEÇIRILMEGINE ÝOKARDA AGZALAN SEBÄPLERIŇ BIRI ÝADA BIRNÄÇESI SEBÄP BOLÝAN BOLUP BILER".
**************************************************
"Bir ýere öňem baran ýaly, bir duýgyny öňem ýaşan ýaly ýada öňem bir wakany başyňyzdan geçiren ýaly duýýan bolsaňyz ýada duýan bolsaňyz diýmek sizem..................Dejavu hadysasyny başdan geçirensiňiz.
Men öň şu sözlemi bir ýerde ýazypmydym. Birhili öňem ýazan ýaly bolup durun. Ana mendede dejavu bolup geçdi :)
?