Ylham gelýär onkiden soň,
Illeň uka giden wagty.
Ol oturyp goşgy ýazýar,
Adamlaryň ýatan wagty.

Indiden soň ýazmak bormy?
Il ýatan wagty ýatmaly.
Ýürek joşsa ýatmak bormy?
Asyl şu sagat ýazmaly .

Ylham gelip dur,gelip dur,
Kagyz ýazyp dur , ýazyp dur .
Ahyry şahyr durmuşdan
Özüniň paýyn alyp dur .

Kän garaşdy bu pursata,
Sagat dili eňip barýar.
Ýüreginden çykan sözler,
Ak kagyza siňip barýar.

Doldy birinji sahypa,
Doldy ikinji sahypa ,
Doldy üçinji sahypa,
Ýerleşip dur bir galypa.

Ümsüm gije,neneň hezil?
Joş uryp ýazybermeli.
Çümüp ylham derýasyna,
Her ýana ýüzübermeli .

"Gelýär ýazdygça ýazasym,
Göwnüm şeýle şat" diýýär .
"Göze uky girenok hiç ,
Bu pursat ýatmak ýa:t "diýýär

Birden kakasy geldi,
"Barda , geçde ýat "diýýär.
Haýyş edýän ýazýanlara,
Ýazýan wagty "Ýat" diýmäň.

(20.04.2023 12:00)

© Gerçeknazar AMANNAZAROW .