Görkezmäwer jebrin ýeke bolmagyň,
Çekdirme bu syrly duýgyň ezýetin.
Seret, Güni ýitirenne utanyp,
Ýaňaklarny gyzardyp dur gözýetim.

Teý dumandan alyp bilmän başym men,
Göweçde - zer, künji - boldum juwazda.
Bilbildim, bir bildim yşkyň nädigin,
Soň ne lezzet, ne dat galdy owazda.

Küreksiz goýsaňam ýüreksiz goýma,
Orruk - ortasynda alawly deňziň.
Gapyl goýup ogurlapdyr erkimem,
Ýaňagyň, idelen dideleň, meňziň.

Duýgym düme, erkim bolsa bireýýäm,
Bidin elden çykyp boldy ýabany.
Ýa gel,
Ýa ýüregmi berip git, läläm
Meň ýüregim – Ahillesiň dabany.

Mukam MUHAMOW

File engine/modules/thanks.php not found.