Arpanyñ suwuny başyma çekdim,
Gül açyldy,
Badanyñ sany ýadymdan çykdy,
Pul seçildi.

Eçildim.
Hatam boldum bir sellem,
Gaýnaýan kalbym tapdy aramyn.
Ýylgyrdym,
Gussadan saplandy kelläm,
Bilbil boldum,
Aýdyma saýrady dillem,
Gaýgymy kowdum, berdim talagyn,
Şady horram boldy, hyrsyz gylygym.

Bäh, beýle-de hezillik bor ekeni,
Ýyrtyp zyñdym öýmesini hasratyñ.
Ýaşmagyny sypyrdym men gülkiniñ,
Sagaldym tut ýaly, aýynjak çaga,
Nam-nyşan galmady ruhyhassadan...

© Remezan Mämetgurbanow

File engine/modules/thanks.php not found.