Aýal doganlar bilen.(degişme)

Ýatdan çykar bar ýadawlyk şo bada,
Boşar çäýnek bary, saklanmaz kada,
Sagadyň dilleri hiç düşmez ýada,
Üýşülende aýal doganlar bilen.

Gürrüň gyzar, jaňyň sesidiňlenmez,
Näçe aýtsaň diýjek zatlaň soňlanmaz,
Ýalyk nirde, topby nirde geňlenmez,
Üýşülende aýal doganlar bilen.

Ýagyş ýagsyn, suw-sil alsyn daşyňy
Işiň bolmaz galdyrmarsyň başyňy,
Gybat bilen sowadarsyň aşyňy,
Üýşülende aýal doganlar bilen.

Çagalar mekirdir, biz bolsa sada,
,,Zat alyp ber,,diýip düşerler oda,
Sen bolsa şo badaberersiň wada,
Üýşülende aýal doganlar bilen.

Gep bilen aýlanyp ýeriň şaryny,
Duýmarsyň geçenin sagat baryny,
Şonda-da edersiň wagtyň zaryny,
Üýşülende aýal doganlar bilen.

Ýeňläp içiň sowar,boşar ,,poslaryň,,
Soňabaka gyrlyp başlar sesleriň,
Het etseňiz hany, ýarlar sesleniň!
Üýşülende aýal doganlar bilen.

Erkek adam duýmaz bu hezilligi,
Derrew gaçar, saçak giň ýazyldygy.
Hasap edäý işleň çalt çyzyldygy,
Üýşülende aýal doganlar bilen.

Hyzmat etsin daýzalarna ýegenler,
Guwansynlar bize dostlar-doganlar,
Gülküniň ýaňyna gelsin Erenler,
Üýşülende aýal doganlar bilen.

NARTÄÇ ÝUSUPDURDYÝEWA Hydyr Derýaýew adyndaky mugallymçylyk mekdebiň mugallymy