Gussasyz aýralyk

Iñ gowsy
               uzak hoşlaşyp durma!
Belkem,
Demim hoşlaşygyñ ahyrna ýetmez.

Soñky gezek sorsam bolýar jigerme
Meni ýylatmadyk mähriñ ysyny.
Posalaryñ geregme däl
Bukup goý!
Emaý bilen bukjañdaky mata deý.
Kirden,
           kimirden aýap,
Bagtyñ boljak ýigdiñ gelip açýança—
Gyzlyk dünýäñ
Bukjasynda epip goy!

Unutma..!

Meni däl–
men hakdaky barja zady
unutmagy unutma!

Maña ýatlamalary,
Ähti ýalan sözleri,
Küle dönen günlermi,
Arman bolan gijämi,
Girýan bolan ertämi,
Gurulmadyk öýmüzi,
Soñlanmadyk küýmüzi,
Tutulmadyk toýmuzy...
Goýup git.

Häzir sen gidersiñ welin
Ynanaý!
Şeýlebir nuryny paýlap,
Meñ tünüme Gün çykar.
Aýtsana,
Meň ýerim ýok nesibiñden
Seniň üçin,
Indi men dek kim çykar?!..

✍️Edepli Gödekow

File engine/modules/thanks.php not found.