Edebiýat agşamy

Iki sany ak sakgally ýaşuly,
Bolsalarda barymyzdan has uly,

Bilim merkezine giren badyna,
Ilki salam berip hemme adama.

Görüşdi ýigitler , ýeňňeler bilen,
Mährem salamlaşdy hemmeler bilen.

Nurana gojalar işikden ötdi,
Göýä jaýyň içi nurlanyp gitdi.

Pähimlidi olar biri-birinden,
Mähirlidi olar biri-birinden.

Nurana ýüzleri, mährem sözleri,
Hoşamaýdy,gülüp durdy gözleri.

Soňra gelip oturgyçda ornaşdy,
Ýaşlarymyz bilen gülşüp ,gürleşdi.

Otuz töweregi oturgyçlaryň,
Barysy ilerik bakyşyp bu gün,

Garaşýardy gadyrly myhmanlara,
Hydyr, Ylýas Amangeldiýewlere.

Hydyr aga açyk ýüzli, hem uly,
Horurakdan uzyn boýly ýaşulydy.

Ylýas oňa görä agrasyrak ýüzli,
Gaşy çytygrakdy , hem-de az sözli.

Olar ekiz bolup gelsede dünýä,
Bir-birinden juda parhly görünýär.

Ahyrsoňy diňleýjiler ýygnanşdy,
Gadyrly myhmanlar ornuna geçdi.

Edebiýat agşamy başlady ahyr,
Ilkinji soragyn berdi bir şahyr.

-Roman,powest,goşgular hem düzýäňiz,
Nämüçin esasy kino ýazýaňyz?!

Hydyr aga bu soraga ýylgyrdy,
Sowala gysgaça jogabyn berdi.

-Ýazan kitaplarňy okan adamdan,
Indi kinolary görýän adam kän.

Indi telewizor görýän adamlar,
Şeýdip seni tanap, bilýär adamlar.

Bu jogapdan soňra Mahym,ýaş şahyr,
Ýürekdäkilerni çykardy ahyr.

-Siziň hem şol ýazýan kinolarňyzdan,
Aýran ýerleriňiz barmydyr eýsem?

Hydyr aga ardynjyrap şo bada,
Giňişleýin jogap berdi sowala.

- Howwa bar. "Gül açan miras" kinony, Ýazanymda gysgaldypdym men ony.

Şol kinoda ,bir gün çölüň içinde,
Tok öçýär edipdim gijäň tümünde.

Toguň öçeninem dostundan görüp,
Dost dosta edipdi betgümançylyk.

Ýöne ol dostunyň günäsi ýokdy,
Ol togy hiç hili öçürenokdy.

Soňra tok paýlaýjyň ýanna barýarlar,
Tok nämüçin öçdi şonda bilýärler.

Öz içinden güman edeni üçin,
Ötünç soraýar ol dostundan içgin.

Ine men şol ýerni kesmeli boldum,
Sebäbi almagyň kynlygyn bildim.

Gijäniň içinde almaly ony,
Kamerada alyp bolmaýar göni.

Kino düşürmegem aňsat däl , kyn zat,
Ony aljak bolsaň bolmaly ussat.


(1-nji bölümiň soňy, dowamy bar)


Gerçeknazar Amannazarow.