"Anne beni anlayan yok"
Türk aýdymyndan

Eje maňa düşnýän ýok!
Düşünýän ýok aslynda.
Nirede men, näme men?
Ýylyň haýsy paslynda?

Ýüregimem deşik-deşik,
Dünýäň atan güllesinden,
Ýanyp jyda düşenem men,
Ömrüň goýry kölgesinden.

Gözlerimem gurap galyp,
Daş ýürege dönenem men.
Ynam edip - ýersiz ýere,
Ynamlary synanam men.

Dagdan gaýdan gara daş men,
Hudaý bilsin nirä düşjek?!
Kölde ýüzen ýaşylbaş men,
Şytyrt bolsa göge uçjak.

Heňimi bilýänem ýok,
Sekizinji nota men.
Eýlämem deň, beýlämem deň,
Meňzäp kwadrata men.

Aýdýanlarmyň bary harap,
Sözlem kalba düşenýän ýok,
Düşündirjek bolýan, ýöne,
Eje maňa düşünýän ýok.

26.08.2023ý
ÝUSUP MEREDOW

File engine/modules/thanks.php not found.