Gelsene gül ýüzüň göreýin ýene,
Gijäniň bir wagty ala daňdanda.
Hökman geljegiňi duýdum ine,
Ýatlanyňda sag gulagym şaňlanda.

Gelsene darykma hiç kimem görmez,
Ikimizi gizlär garaňky gije.
Duýgular ýürekde ynjalyk bermez,
Geljegimiz hakda ataly bije.

Gelsene utanma gaçma gyz ýene,
Söýgiňi görýärin seniň gözüňden.
Bilýäňä arzuwlap ýetdim şu güne,
Söýýän sözün diňlejek seň özüňden.

Gelsene bileje arzuw edeli,
Ilkinji duşuşyk söýgimiz hakda.
Hak aşyklaň yzy bile gideli,
Söýgi joş urýarka juwan gursakda.

Gelsene boýnuňa monjuk düzeýin,
Alysdaky ýyldyzlardan jemleýip.
Sen bolmasaň neneň yşga dözeýin,
Bu derdimden gutar meni emleýip.

Gelsene şatlandyr ezizim diýip,
Gama goýma meniň köňül köşgümi.
Seň dyzyň üstüne başymy goýup,
Okap berjek sen hakdaky goşgymy.

Süleýman Tekäýew

File engine/modules/thanks.php not found.