Bolýar agyz meni söýmeseň söýme,
Ýöne haýyş seni unut bir diýme.
Ýazgydymda bardyr yşgyňda köýme,
Nädip özüm özgä söýdüreýin men.

Aýly gijelermi ukusyz goýup,
Senli arzuwlara bilmedim doýup,
Meni söýmeseňde bir seni söýüp,
Öz özümi oda köýdürerin men.

Bir gezek ahwalym saldyňmy ýada,
Söýgüň ýakyp barýa ýetişäý dada,
Söýmen sözleň hyruç salýar bu oda,
Ony nädip saňa duýduraýyn men.

Goý yşgyňda näziň meni örtesin,
Kim bilipdir yşgy günleň ertesin,
Razy diýäý saňa bagt kürtesin,
Öz ellerim bilen geýdireýin men.

Nämä bakýaň eger meni söýmeseň!
At başyň söýgüň bagt öýmesin,
Aýt kalbyma ýalňyz seni söýmesin,
Nähili güýç bilen goýduraýyn men.

Dönmen yza alyp gaçaý özüňi,
Çekeýin men seniň soňsuz näziňi,
Bagtly gün saňa söýýän sözüni,
Öz dilleriň bilen diýdirerin men.

Tarypyňy dessan eder galamym,
Ölçerme gyz ýüregimiň alawyn,
Toý tutaly saňa nika palawyn,
Bişiripjik özüm iýdireýin men.

Süleýman Tekäýew

File engine/modules/thanks.php not found.