Dogan saýyp sylaýardym baryňyz,
Çagalygy bir geçirdik barymyz,
Soňky döwür göremokla biriňiz,
Eziz dostlam siz nirede nirede!

Saçak açdym dostlaryma öýümde,
Baý gezdigä kän arzuwlaň küýünde,
Tans etjekdik bir biregiň toýunda,
Eziz dostlam siz nirede nirede!

Sylaşygam haram pula satdyňyz,
Gol uzatsam elim terse itdiňiz,
Göremokla nirä ýitip gitdiňiz,
Eziz dostlam siz nirede nirede!

Uçanymda ganatlarym perlerim,
Size aýtdym ýürekdäki syrlarym,
Belki bardyr meňem ýalňyş ýerlerim,
Eziz dostlam siz nirede nirede!

Hassaladym gelerňize garaşdym,
Ýalňyz özüm dertler bilen göreşdim,
Aýyp görmäň ýoklugňyza öwrenşdim,
Eziz dostlam siz nirede nirede!

Ynam ýokla syrdaşlara dostada,
Kömek etdim şat gününde gussada,
Çyn dostluklar ertekide kyssada,
Eziz dostlam siz nirede nirede!

Süleýman Tekäýew

File engine/modules/thanks.php not found.