Ýürek diýýär ýara dertleriň söýle,
Gel hyýal dünýäme çykaly seýle,
Meňzedip Şasenem Şirine Leýlä,
Ömür söýjegim diýp yzlanym Maral.

Rugsat berseň ýarym bolaýyn taýyň,
Bolsana söýgüde berilen paýym,
Güllerdende gözel ajaýyp roýuň,
Aý kimin jemalyň uzlanym Maral.

Dünýäni unutdym ýar seni söýüp,
Yşgyňda hozanak galdymla köýüp,
Gürleşeli diýsem ýok bolmaz diýip,
Ýadyňdamy kalbym duzlanyň Maral.

Söýgi diňe çekjek derdi mertleriň,
Ýeňip geçdim gaýalaryn kertlerin,
Ýürekdäki hazan uran dertlerim,
Öz ýalňyzym saýyp çözlänim Maral.

Saňa perişdeler bolar taý diňe,
Saňa söýgim gözlerimden aýdyňa,
Adyňy geçirip ajap aýdyma,
Ýeketägim diýip sözlänim Maral.

Aýp etme söýgim goýsamda ýaýyp,
Soňsuz arzuwlarda ýüzeýin gaýyp,
Iki dünýe seni barlygym saýyp,
Ömür söýjegim diýip gözlänim Maral.

Süleýman Tekäýew

File engine/modules/thanks.php not found.