Kaka bildirmez saňa öz söýgisin,
Ol gülse-de bildirmez öz görgisin,
Özüni unudar sen diýip ylgar,
Aglasaň unudar ol öz gülkisin.
***
Ilden kem etmez, bolmazam kemçilik,
Saňa hiç haçan ýanaşmaz kynçylyk,
Kakaň barka gujakla, güldür ony,
Şondan başga gerekdälem dostçylyk.
***
Kakaň bagtyňdyr, şatlygyň, gülkiňdir,
Oglum söziniň özi bir söýgidir,
Seň üçin ýadaýar, agarýar saçy,
Sen bilmersiň içi doly görgidir.