Ömür bir gün ol gün bu gün
Türk filminden

Ömür gysga wagt çäkli,
Ýaşap ýörüs barly ýokly,
Müň bir pikir gorjar akly,
Ömür bir gün ol gün bu gün.

Ýollar aýry günler aýry,
Al elwandyr ýaşlyk baýry,
Penahyň ýok Hakdan gaýry,
Ömür bir gün ol gün bu gün.

Sejdegähiň togabyň bar,
Günähiň bar sogabyň bar,
Bilmen näme jogabyň bar,
Ömür bir gün ol gün bu gün.

Ýaşaýansyň ursa ýürek,
Wagty geçirme biderek,
Taýýarlykly bolmak gerek,
Ömür bir gün ol gün bu gün.

Ýazlaryň bar gyşlaryň bar,
Wysallaryň düýşleriň bar,
Etmeli kän işleriň bar,
Ömür bir gün ol gün bu gün.

Sanalgy dem sanap otyr,
Yzda düýnüm aglap ýatyr,
Müň aladaň ne iş bitir,
Ömür bir gün ol gün bu gün.

Arzuwlaryň puç bolmasyn,
Amallaryň hiç bolmasyn,
Ertä goýmaň giç bolmasyn,
Ömür bir gün ol gün bu gün.

Süleýman Tekäýew

File engine/modules/thanks.php not found.