Hata işläp gözüñ ýaşa ezmegin!
Ejizlikdir müzzerilip gezmegiñ!
Hajaty ne bu jahana gelmegiñ
Kalpda beslän arzuwlaryñ oñmasa?!

Gadamyñ batly ur, dik tutup başyñ!
Kimseden gysganma bir käse aşyñ!
Belki-de terk eder dost-ýar, gardaşyñ
Alçy gopan ak aşygyñ çüwmese?!

Halal zähmetiñden iýseñ nanyñy,
Azap kemär bereniñde janyñy!
Aljak bolma duşmanyñdan aryñy,
Bir gün dosta döner Alla oñlasa!

Sabryñ soñy altynlygyn bilginiñ!
Ýas ýerine aýtmasa-da gelginiñ!
Bagtdygyny il bilen deñ gülmegiñ
Ynsan añmaz eken ýalñyz galmasa?!

Dan:a akyl satyp ýörkä tentekler,
Dünýäñ ýüki egsiläýmez entekler!
Neneñ bolar ýurdy goran erkekleñ
Perzentleri öz atasyn añmasa?

Ýagşyny-ýamany saýgarmak gerek,
Utup hem utulyp, aýñalmak gerek!
Adam dok tilki deý ýaşama derek
Ýegdir munda aç böri deý uwlasa!

Goşawuçlap sykyp ýürek bagrymy
Ýazdym ine,çykman çenden çygrymy!
Ençeleriñ derdi siñen şygrymy...
Besdir maña müñde biri añlasa!
Awtor:Nurekowa Gülnäz

File engine/modules/thanks.php not found.