Seret, ellerim buz ýaly,
Gögerip, reňkin ýitirdi.
Ýüregim körän köz ýaly,
Ozalky durkun ýitirdi.

Galdym yzyňda elenip,
Uçjakdym, dökdüň ýelegim,
Çyn yşkdan geçip, kelebiň
Ujuny, gör, kim ýitirdi!

Bilseň, garybyň boý ogly,
Artdy-la ýüregmiň dowly.
Juwan gyz deýin, boýagly
Yşkymyz görkün ýitirdi.

Meniň bilen janyn ýakyp,
Saňa ýigrenç bilen bakyp,
Möňňüripler, syýa döküp,
Galamym erkin ýitirdi.

✏Uzuk NOWRUZOWA