Seret, köle Aý gaçypdyr,
Hezil edip suwa düşýär.
Aramyz örän açyk dur,
Biz şeýle ýakyn hem daş, ýar!

Ýumşak ellerimden tutma,
Al ýaňagym gysmasana!
Bir haýyşym: sen bir gitme!
Gitseň, köňül ysmasa nä?!

Içim — bag-bakjaly bossan,
Uçuşyp ýör kebelekler.
Yşkym — ýazylmadyk dessan,
Ýazmagyma kömek et, gel!

Näme diýseň, mamla seňki,
Asla ýalňyş zat diýeňok.
Ýüregim aklymy ýeňdi,
Men seni söýmän bilemok.

✏Uzuk NOWRUZOWA

File engine/modules/thanks.php not found.