Ili çürkän talañçylar
Ogurlyk bir kärdir öýder
Iki ýüzli ýalançylar
Özüne mert ärdir öýder.

Her kellede akyl bar däl
Gyşyñ güni mydam gar däl.
Miras galan bir söwdagär
Hemmäñ puly bardyr öýder.

Ýagşylygy etseñ dowam
Bolar gider işiñ rowan.
Söýüp söýlen iki juwan
Gyşyñ güni ýazdyr öýder.

Öýkünerler gurda itler
Siñekler bürgüt niýetlär.
Wadasyn undan ýigitler
Özün adyl şadyr öýder.

Ýagşy niýet ýagşa ýeti:r
Ýaman ýoldaş ömri biti:r.
Söýgä mätäç ösen ýetim
Hemmä mähre zardyr öýder.

Halal işläp şöhrat gazan
Kändir atañ pulna galan.
Bäş ýyl okap diplom alan
Diplomsyzlar noldyr öýder.
Awtor: Nurekowa Gülnäz